“ಕಾಂತಾರಾ” ಗೆ.ಒಲಿದ ಎರಡು ರಾಷ್ಟ್ರೀಯ ಪ್ರಶಸ್ತಿ – ಅತ್ಯುತ್ತಮ ನಟನಾಗಿ ರಿಷಬ್ ಆಯ್ಕೆ.
ಬೆಂಗಳೂರು : ಸತ್ಯಮಿಥ್ಯ ( ಆಗಸ್ಟ್ -16).
ಬಹಳ ಕುತೂಹಲ ಮೂಡಿಸಿದ್ದ 70ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಪ್ರಕಟವಾಗಿದೆ. ಕನ್ನಡ ಚಲನಚಿತ್ರ ಕಾಂತಾರ ಎರಡು ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ. ರಿಷಬ್ ಶೆಟ್ಟಿ ಅತ್ಯುತ್ತಮ ನಟ ಪ್ರಶಸ್ತಿ ಪಡೆದಿದ್ದಾರೆ. ಅತ್ಯುತ್ತಮ ಮನರಂಜನಾ ಚಲನಚಿತ್ರವಾಗಿ “ಕಾಂತರಾ” ಆಯ್ಕೆಗೊಂಡಿದೆ.
ಅತ್ಯುತ್ತಮ ನಟ ಪ್ರಶಸ್ತಿಗೆ ಮಲಯಾಳಂ ನಟ ಮಮ್ಮುಟ್ಟಿ ಮತ್ತು ಕನ್ನಡ ಚಲನಚಿತ್ರ ನಟ ರಿಷಬ್ ಶೆಟ್ಟಿ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ಕೊನೆಗೆ ರಿಷಿಬ್ ಶೆಟ್ಟಿ ಈ ಪ್ರಶಸ್ತಿಗೆ ಆಯ್ಕೆಗೊಂಡಿದ್ದು, ಕನ್ನಡಿಗರ ಸಂಭ್ರಮ ನೂರ್ಮಡಿಗೊಂಡಿದೆ.
ಸಾಮಾನ್ಯ ಪಾತ್ರಗಳ ಮೂಲಕ ಅಭಿನಯ ಆರಂಭಿಸಿದ ರಿಷಬ್ ಶೆಟ್ಟಿ ನಂತರದ ದಿನಗಳಲ್ಲಿ ನಾಯಕ ನಟನಾಗಿ ನಿರ್ದೇಶನ ಮಾಡುವ ಮೂಲಕ ರಿಷಬ್ ಶೆಟ್ಟಿಗೆ ರಾಷ್ಟ್ರ ಪ್ರಶಸ್ತಿ ದೊರಕಿದೆ. ಈ ಕುರಿತು ವರದಿಗಾರರೊಂದಿಗೆ ಮಾತನಾಡಿದರೆ ಜೀವನದಲ್ಲಿ ಮಹತ್ವದ ಗಳಿಗೆ ಇದಾಗಿದೆ ಎಂದು ಸಂತಸ ವ್ಯಕ್ತಪಡಿಸಿದರು.
ವರದಿ : ಸಂ.
