ಸೆ.23ರಂದು ನಿಡಗುಂದಿ ಶ್ರೀ ಕುಮಾರೇಶ್ವರ ಬಿಲ್ವಪತ್ರೆ ವನದಲ್ಲಿ 5ನೇ ಶಿವಾನುಭವ ಗೋಷ್ಠಿ
ನರೇಗಲ್ಲ:ಸತ್ಯಮಿಥ್ಯ( ಸೆ.20).
ಸಮೀಪದ ನಿಡಗುಂದಿ ಗ್ರಾಮದ ಶ್ರೀ ಕುಮಾರೇಶ್ವರ ಬಿಲ್ವಪತ್ರೆ ವನದಲ್ಲಿ 5ನೇ ಶಿವಾನುಭವ ಗೋಷ್ಠಿಯು ಸೋಮವಾರ ಸೆ. 23ರಂದು ಸಂಜೆ 6-30ಕ್ಕೆ ಜರುಗಲಿದೆ.
ಶಿವಾನುಭವ ಗೋಷ್ಠಿಯ ನೇತೃತ್ವವನ್ನು ಶಾಖಾ ಶಿವಯೋಗ ಮಂದಿರ ನಿಡಗುಂದಿ ಕೊಪ್ಪದ ಶ್ರೀಮಠದ ಪರಮಪೂಜ್ಯ ಅಭಿನವ ಚನ್ನಬಸವ ಮಹಾ ಸ್ವಾಮಿಗಳು ವಹಿಸಲಿದ್ದಾರೆ.
ಉಪನ್ಯಾಸಕರಾಗಿ ದೊಡ್ಡನಗೌಡ ಆಗಮಿಸಲಿದ್ದು ಹಾನಗಲ್ಲ ಶ್ರೀ ಕುಮಾರೇಶ್ವರ ಮಹಾ ಶಿವಯೋಗಿಗಳು 157ನೇ ಜಯಂತೋತ್ಸವ ಎನ್ನುವ ವಿಷಯ ಕುರಿತು ಉಪನ್ಯಾಸ ನೀಡಲಿದ್ದಾರೆ.
ಇಟಗಿ, ನಿಡಗುಂದಿ ಧರ್ಮರ ಮಠದ ಷಣ್ಮುಖಪ್ಪಜ್ಜನವರು ಸಮ್ಮುಖದಲ್ಲಿ ಅಖಿಲ ಕರ್ನಾಟಕ ವೀರಶೈವ ಲಿಂಗಾಯತ ಮಂಡಳಿಯ ನಿರ್ದೇಶಕ ಮಿಥುನ ಜಿ. ಪಾಟೀಲ, ಗಜೇಂದ್ರಗಡ ವೀರಶೈವ ಲಿಂಗಾಯತ ಸಮಾಜದ ಅಧ್ಯಕ್ಷ ಸಿದ್ದಪ್ಪ ಗುರುಶಾಂತಪ್ಪ ಬಂಡಿ, ಬೆನಕೊಪ್ಪದ ಸಮಾಜ ಸೇವಕ ಬಸವರಾಜ ಬಿಂಗಿ ಉಪಸ್ಥಿತರಿರುವರು ಎಂದು ಶ್ರೀಮಠದ ಪ್ರಕಟಣೆ ತಿಳಿಸಿದೆ.
ವರದಿ: ಸಂಗಮೇಶ ಮೆಣಸಗಿ.
