ಕೊಪ್ಪಳ : ಆಕಳು ಬಾಲ ಕತ್ತರಿಸಿದ ದುಷ್ಟರು.
ಕೊಪ್ಪಳ: ಸತ್ಯಮಿಥ್ಯ ( ಅಗಸ್ಟ್-29).
ತಾಲೂಕಿನ ಗಬ್ಬೂರು ಗ್ರಾಮದಲ್ಲಿ ಮನೆ ಮುಂದೆ ಕಟ್ಟಿದ್ದ ಆಕಳ ಬಾಲವನ್ನು ಯಾರೋ ದುಷ್ಕರ್ಮಿಗಳು ಕತ್ತರಿಸಿರುವ ಮೂಲಕ ವಿಕೃತಿ ಮೆರೆದಿದ್ದಾರೆ.
ಗ್ರಾಮದ ಚನ್ನಬಸಪ್ಪ ಹರಿಜನ ಎಂಬ ರೈತ ತನ್ನ ಆಕಳನ್ನು ರಾತ್ರಿ ವೇಳೆ ಮನೆ ಮುಂದೆ ಕಟ್ಟಿಹಾಕಿ ಮಲಗಿದ್ದರು. ಬೆಳಗ್ಗೆ ಎದ್ದು ನೋಡಿದಾಗ ಆಕಳ ಬಾಲ ತುಂಡಾಗಿ ಕೆಳಗೆ ಬಿದ್ದಿದೆ. ಇದನ್ನು ನೋಡಿದ ರೈತ ಗಾಬರಿಯಾಗಿ ಗ್ರಾಮದ ಹಿರಿಯರನ್ನು ಕರೆದು ತೋರಿಸಿದ್ದಾನೆ. ಆದರೆ ಈ ಕೃತ್ಯ ಯಾರು ಮಾಡಿದ್ದಾರೆ ಎಂದು ತಿಳಿದುಬಂದಿಲ್ಲ. ರಾತ್ರಿ ವೇಳೆ ನಾವು ಕೂಡ ಮನೆಯ ಅಂಗಳದಲ್ಲಿ ಮಲಗಿಕೊಳ್ಳುತ್ತೇವೆ. ನಮಗೂ ಏನಾದರೂ ಈ ರೀತಿ ಅಪಾಯವಾದರೆ ಹೇಗೆ ಎಂದು ರೈತ ಚೆನ್ನಬಸಪ್ಪ ಆತಂಕ ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಮುನಿರಾಬಾದ್ ಪೊಲೀಸ್ ಉಪ ಆರಕ್ಷಕರಿಗೆ ಮಾಹಿತಿ ನೀಡಲಾಗಿದೆ. ಕೃತ್ಯ ಎಸಗಿದವರನ್ನು ಕಂಡು ಹಿಡಿದು ಸೂಕ್ತ ನ್ಯಾಯ ಕೊಡಿಸುವ ಪ್ರಯತ್ನ ಮಾಡಲಾಗುವುದು ಎಂದು ತಿಳಿಸಿದ್ದಾರೆ.
ವರದಿ : ಚೆನ್ನಯ್ಯ ಹಿರೇಮಠ.
