ನರೇಗಲ್ – ಕಾಂಗ್ರೇಸ್ ಬೆಂಬಲದಿಂದ ಬಿಜೆಪಿ ಬಂಡಾಯ ಅಭ್ಯರ್ಥಿಗಳಿಗೆ ಜಯ.

ನರೇಗಲ್ – ಕಾಂಗ್ರೇಸ್ ಬೆಂಬಲದಿಂದ ಬಿಜೆಪಿ ಬಂಡಾಯ ಅಭ್ಯರ್ಥಿಗಳಿಗೆ ಜಯ.

ನರೇಗಲ್ – ಸತ್ಯಮಿಥ್ಯ (ಸ -02).

ಬಹಳ ಕುತೂಹಲ ಕೆರಳಿಸಿದ್ದ ನರೇಗಲ್ ಪಟ್ಟಣ ಪಂಚಾಯತ್ ಅಧ್ಯಕ್ಷ ಉಪಾಧ್ಯಕ್ಷ ಚುನಾವಣೆಗೆ ಅಂತಿಮ ತೆರೆ ಬಿದ್ದಿದೆ.

ಬಿಜೆಪಿ ಬಂಡಾಯ ಸದಸ್ಯರಾದ ಫಕೀರಪ್ಪ ಮಳ್ಳಿ ಅಧ್ಯಕ್ಷರಾಗಿ, ಕುಮಾರಸ್ವಾಮಿ ಕೊರಧಾನ್ಯಮಠ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ಕಾಂಗ್ರೇಸ್ ಪಕ್ಷದ 3 ಸದಸ್ಯರ ಬೆಂಬಲ, ಒಬ್ಬ ಪಕ್ಷೇತರ ಮತ್ತು 6 ಜನ ಬಿಜೆಪಿ ಬಂಡಾಯ ಸದಸ್ಯರ ಬೆಂಬಲದಿಂದ ಅಂತಿಮ ಫಲಿತಾಂಶಕ್ಕೆ ತೆರೆ ಬಿದ್ದಿದೆ.

ಕಾಂಗ್ರೇಸ್ ಪಕ್ಷ ಈ ಚುನಾವಣೆಯಲ್ಲಿ ಬಿಜೆಪಿ ಬಂಡಾಯ ಅಭ್ಯರ್ಥಿಗಳಿಗೆ ಬೆಂಬಲಘೋಷಿಸುವ ಮೂಲಕ ಕಿಂಗ್ ಮೇಕರ್ ರಾಜಕೀಯಕ್ಕೆ ಮುನ್ನುಡಿ ಬರೆದಿದೆ.

ವಿಪ್ ಜಾರಿಯ ಬಗ್ಗೆ ತಲೆಕೆಡಿಸಿಕೊಳ್ಳುವ ಅವಶ್ಯಕತೆ ಇಲ್ಲಾ ನಾವು ಬೇರೆ ಪಕ್ಷದ ಅಭ್ಯರ್ಥಿಗಳಿಗೆ ಮತ ನೀಡಿಲ್ಲ.ನಮ್ಮ ಗೆಲುವಿಗೆ ಪಕ್ಷಾತೀತವಾಗಿ ಬೆಂಬಲ ನೀಡಿದ್ದಾರೆ. ಪೂರ್ವಭಾವಿ ಸಭೆಗೂ ಮುನ್ನ ಸ್ಥಳೀಯ ನಾಯಕರು ನಿರ್ಧಾರಗಳನ್ನು ತೆಗೆದುಕೊಂಡು ನಮ್ಮನ್ನು ತಿರಸ್ಕಾರ ಮಾಡಿದ್ದರಿಂದ ಈ ರೀತಿಯ ವಾತಾವರಣ ಸೃಷ್ಟಿಯಾಯಿತು ಮತ್ತು ನರೇಗಲ್ ಅಭಿವೃದ್ಧಿ ಕಡೆ ನಮ್ಮ ನಡೆ ಇದಕ್ಕೆ ಶಾಸಕ ಜಿ. ಎಸ್. ಪಾಟೀಲರ ಬೆಂಬಲ ಕೂಡಾ ಸಿಗಲಿದೆ ಎಂದು ನೂತನ ಅಧ್ಯಕ್ಷ -ಉಪಾಧ್ಯಕ್ಷರು ಮಾತನಾಡಿದರು.

ವರದಿ : ಸುರೇಶ ಬಂಡಾರಿ.